12:35 pm - Wednesday July 23, 2014

Tibu magonjwa mbalimbali kwa mafuta ya nazi.

JITIBU  MAGONJWA  MBALIMBALI  KWA  KUTUMIA MAFUTA  YA  NAZI ;
Katika  makala  mbili  zilizopita  tumeona  faida  mbalimbali za  kiafya  zitokanazo  namatumizi  ya  mafuta  ya  nazi kama  chakula  au  kama  urembo. Makala  haya  yanahusu namna  unavyo weza  kutumia  mafuta  ya  nazi  kutibu magonjwa  na / au  matatizo  mbalimbali  ya  kiafya :

1.     Michubuko  (Au  Vidonda  ) Kwenye  sikio: Kujitibu  sikio, chukua  pamba  chovya  kwenye  mafuta  ya  nazi kisha  paka   kwenye  sehemu yenye  mchubuko. Fanya hivyo  mara  mbili  kwa  siku  asubuhi  na  jioni  mpaka tatizo  lako  litakapo  isha.
2.     Kujitibu Fangasi  za  Miguuni : Changanya  mafuta  ya nazi  na  mafuta  ya  oregano  au  maji  ya  mchai chai kisha  tumia  kujipaka  kwenye  sehemu  iliyo  athirika mara  mbili  kwa  siku  hadi  tatizo  lako  litakapo  isha.
3.     Kuondoa  ukavu  ukeni  ;  Jipake  mafuta  ya  nazi mara  mbili  kwa  siku  kwa  muda  siku  ishirini  na moja  na  tatizo  lako  litaisha. Jipake kila  mara  utakapo hisi  tatizo  limekurejea  tena.
4.     Madoa  na  miwasho  ya  kwenye  ngozi :  Jipake mafuta  ya nazi  kwenye  sehemu  iliyo  athirika  mara mbili  kwa  siku  kwa  muda  wa  siku  ishirini  na  moja.
5.    Tatizo  la  Bawaziri  au  uvimbe  kwenye  sehemu  ya haja  kubwa : Tumia  kujipaka  mafuta  ya  nazi  mara mbili  kwa  siku  kwa  muda  wa  siku  thelathini  na tatizo  lako  litakwisha.
6.     Kama  umeumwa  na  nyuki  au  siafu   tumia  mafuta ya  nazi  kujipaka  kwenye  eneo  ulilo n’gatwa  mara mbili  kwa  siku  kwa  muda  wa  siku  saba.
7.     Kuvuja  damu  puani   ; Jipake  mafuta  ya  nazi sehemu  ya  ndani  ya  pua  zako.
8.    Kuondoa  Tatizo  la  Chawa  wa  kIchwani  : Tumia kujipaka  mafuta  ya  nazi kichwani  mara  mbili  kwa siku  kwa  muda  wa  siku  ishirini  na  moja  na  tatizo lako  lote  litakwisha.

Siku  za  mbeleni  tuandika  makala  kuhusu  matumizi mengineyo  ya  mafuta  ya  nazi.

MATUMIZI  MBALIMBALI  YA  MAFUTA  YA NAZI
1.   Mafuta  ya  nazi  kama  Make  Up Remover : Kama umefanya  make  up na  unataka  kuondoa  unaweza kufanya  hivyo  kwa  kutumia  mafuta  ya  nazi. Chukua  pamba  chovya  kwenye  mafuta  ya  nazi kasha  tumia  kusugua  kwenye  sehemu za  uso ulizo   paka  make  up  yako.
2.    Kusafisha  uso  :   Paka  mafuta  ya  nazi  sehemu z a shingoni  na  usoni  kisha  fanya  masaji halafu  jifute kwa  kutumia  kitambaa  au  taulo.
3.    Kufanya  scrub  Ya  Mwili  Mzima  (  Body Scrub ):   Chukua  vijiko  vitano  vikubwa  vya  sukari  kisha changanya  na  vijiko  vitano  vikubwa  vya   mafuta ya  nazi  kisha  koroga  mchanganyiko  wako  halafu utumie  kufanyia  scrub
4.    Kufanya  Scrub  Ya  Usoni  (  Facial  Scrub ) : Changanya  mafuta  ya  nazi  na  amira au makande  pamoja  na  mdalasini  kasha  tumia  kufanya  scrub usoni .
5.   Kunyolea  ( Kushave ) :   Jipake  mafuta  ya  nazi katika  sehemu  yenye  nywele  kisha  nyoa.
6.    Kujipaka : Unaweza  kutumia  mafuta  ya  nazi kujipaka. Unaweza  kuongeza  na  marashi  ya  rose ili  kuyafanya  mafuta  yawe  na  harufu  nzuri. Matumizi  ya  mafuta  ya  nazi  mwilini  huifanya ngozi  yako  kuwa  na  afya  njema.
7.   Kuondoa  Makunyanzi :   Jipake  mafuta  ya  nazi  juu  ya  macho  ili  kuondoa  makunyanzi.
8.   Kuondoa  harufu  mbaya  ya  mwili : Matumizi  ya mafuta  ya  nazi  husaidia  kuondoa  harufu  mbaya ya  mwili. Tumia  kujipaka  mafuta  ya  nazi  mara mbili  kwa  siku  asubuhi  na  jioni  na  baada  ya  wiki tatu  au  nne, hautakuwa  tena  na  harufu  mbaya  ya mwili. Ukiya changanya  pamoja  na  marashi  ya waridi  utapata  matokeo  mazuri  zaidi.
9.   Kuogea ;  Changanya  mafuta  ya  nazi kwenye  maji ya  oto  kisha  tumia  maji  hayo  kuogea.
10.                      Kutengeneza  sabuni  : Mafuta  ya  nazi  ni moja  kati  ya  malighafi  muhimu  sana  katika utengenezaji  wa  sabuni  za  aina  mbalimbali.
11.                     Kupigia  mswaki ;  Changanya  mafuta  ya   nazi na  amira  ya  unga  kisha  tumia  kupigia  mswaki.
12.                      Kurutubisha  nywele : Mafuta  ya  nazi yanajulikana  kama  “ Hair’s  Best  Friend ‘, unaweza kurutubisha  nywele  zako  kwa  kutumia  mafuta  ya nazi. Vile  vile  mafuta  ya  nazi  yanaweza  kutumika kama  dawa  ya  kuulia  vijidudu  endapo yatachanganywa  na   mafuta  mengine  ya  aina tofauti  tofauti.

FAIDA ZA KIAFYA ZA MAFUTA YA NAZI

Mafuta  ya nazi  yana faida  nyingi kwa mwanadamu. Ni kusudio  langu kushare  na wewe  msomaji wangu  taarifa  kuhusu  faida  mbalimbali  zitokanazo  na mafuta  ya  nazi.

Fuatana  name  hadi  mwisho  wa  makala haya. Kutokana  na  urefu  wa  makala  haya, nitayagawa katika  sehemu  ya  kwanza  na  ya  pili na  kama  sehemu mbili  hazitatosha  basi  nitaongeza  na  sehemu  ya  tatu.
Mafuta  ya  nazi  yamekuwa  yakitumika  kama  chakula na/au   urembo  kwa  maelfu  ya  miaka. Mafuta  ya  nazi  yana  uwezo  mkubwa  sana  wa   kuharibu aina  zote  za vijidudu, virusi  na  bacteria   hatari  kwa  ustawi  wa  afya ya  mwanadamu  .
Mafuta  haya  huupatia  mwili  wa mwanadamu  mafuta  ambayo  ni  muhimu  kwa  afya  ya mwanadamu.
Karibu  asilimia  hamsini  ya  mafuta  ya  nazi  ni  lauric acid ambayo  ni vigumu  sana  kupatikana  au  haipatikani kabisa. Kwa ufupi  mafuta  ya  nazi  yana  kiwango kikubwa cha  lauric  acid kuliko  kitu chochote  kile  hapa duniani.
Mwili  wa  mwanadamu   hubadili  lauric  acid kuwa monolaurin. Monolaurin  ni  aina  ya  monoglyceride  ambayo ina  uwezo  mkubwa  sana  wa  kupambana  na    nguvu  ya virusi, na  bacteria  kama vile  giardia  lamblia.
Matumizi  ya  mafuta  ya  nazi  eidha  kama  chakula  ama kama  urembo  yana  faida  kubwa  sana  za  kiafya  katika mwili  wa  mwanadamu.
Mafuta  ya  nazi  husagika  kwa  urahisi  katika  mfumo  wa usagaji  chakula  wa  mwanadamu na   hayana  madhara.   Mafuta  haya  hayatengenezi  sumu  kwenye  mkondo wa damu, hivyo  basi   ili  kupata  ama  kuongeza  nishati  ya kutosha   kwenye  mwili  wako, unashauriwa   kula  walau vijiko  viwili  vya  mafuta  ya  nazi  kwa  siku  au kula chakula  kilicho  ungwa  kwa mafuta  ya  nazi  kama  vile wali  au  maharage.

Mafuta  ya  nazi   yanafaa  kwa  aina  zote  za  mapishi kwa sababu  yana uwezo  wa  kustahimili  joto  bila  kuharibika kama  ambavyo  aina  nyingine  za  mafuta  zinavyo weza kuharibika  kutokana  na  joto  kubwa  mfano  mafuta  ya mzeituni.

Kama  hiyo  haitoshi, mafuta  ya  nazi  huwa  hayawezi kuchacha  kama  aina  zingine  za  mafuta ,jambo  ambalo ni  faida  kubwa  sana  kwa  watu  walio  wekeza  kwenye biashara  ya  utengenezaji  wa  mafuta  ya  nazi.

FAIDA  ZA  JUMLA  ZA  MAFUTA  YA  NAZI

1.             Mafuta  ya  nazi  huimarisha  afya  ya  moyo wa mwanadamu.
2.          Mafuta  ya  nazi huimarisha   afya  ya  ubongo  wa mwanadamu  na  kusaidia katika  kuufanya  ubongo wa  mwanadamu  kuwa  na  ufanisi  thabiti.
3.           Mafuta  ya  nazi  yanasaidia  kuuimarisha  mfumo wa  mmen’genyo wa  chakula  katika  mwili  wa mwanadamu  na  hivyo  kusaidia  katika  kupunguza uzito  au  kumuepusha  mwanadamu  na  kuwa  na uzito  mubwa.
4.          Mafuta  ya  nazi  yanaimarisha   mfumo  wa  kinga ya  mwili  wa  mwanadamu.
5.           Matumizi  ya  mara  kwa  mara  ya  mafuta  ya  nazi husaidia  katika  kuifanya  ngozi  ya  mwanadamu kuwa  yenye  afya  njema  na  kumfanya  muhusika kuonekana  kijana.
Katika  makala  yanayo  fuata, tuatelezea  faida nyinginezo  za  matumizi  ya mafuta  ya  nazi.
Makala hii imeandaliwa na Neema Herbalist
Wasiliana nao kwa SIMU : 0766538384

Barua pepe : neemaherbalist@gmail.com

Filed in: Tiba

No comments yet.

Leave a Reply

Close
Please support the site
By clicking any of these buttons you help our site to get better

Twitter

Facebook

Google+